Nani Kailua
na Kauahinoeokilauea
(Kahikina de Silva, Kapalai‘ula de Silva, Kawailana Saffery, Melehina Groves)

O keia kekahi hopena leo olioli o ke kuloa ana a me ka pupuweuweu ana o ka uniki hula ailolo i malama ia ma ka pali kapu o Kaauea kahi a ka uahi noe i kau umauma ai.

Nani Kailua i ka la welawela
Ku mai o Hualalai, a he malu
Pa aheahe ka makani o ka Eka
Ohuohu Hulihee i ka ehu kai
O ka opua ao Kona i ka lai
Me ke kai malino e pahola nei
Kahiko Keauhou i ka pua ilima
A he wehi ia no na kupa o ka aina
Pakai i na ale Kaawaloa
Ua kani na manu leo olioli
E aa i ka hula o na kupuna
Mohala na ilima i Napoopoo
I ka pa kolonahe o Iolani
Mukiki wai ola o ka ahihi
Hoapili no ka ohelo ao uka
Ke haa mai, ua lai ka wahine
Kipa ia Halemaumau e ka ohu
He uahi ua kau i ka umauma
A hoi aku me na mamo laha ole
I ka ehuwai o Naalehu
Pehia e ka ua i ka nahele
Ku ululu a hana pololei
E hoi no ke kapu i Ahuena la-e

© de Silva, de Silva, Saffery, Groves, 2005